منتديات عدن بلس +plus
عزيزي الزائر / عزيزتي الزائرة يرجي التكرم بتسجبل الدخول اذا كنت عضو معنا او التسجيل ان لم تكن عضو وترغب في

الانضمام الي اسرة المنتدي

سنتشرف بتسجيلك



اداره منتديات عدن بلس +plus



منتديات عدن بلس +plus
 
الرئيسيةاليوميةس .و .جبحـثالأعضاءالمجموعاتالتسجيلدخول

شاطر | 
 

 ▐¬قصة حب بين " عضؤين " قصـة ، حقيقه ✖

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
a7lah0m
Admin
Admin
avatar

عدد المساهمات : 1098
نقاط : 2217
تاريخ التسجيل : 15/02/2011

مُساهمةموضوع: ▐¬قصة حب بين " عضؤين " قصـة ، حقيقه ✖   الثلاثاء أغسطس 23, 2011 10:34 pm


بسم الله الرحمن الرحيم


معقوووووووولهـ في حب فهالزمن













بنت عمرهاا 20 سنه كانت تتصفح برامج الأنترنت فتحت أكثر من موقع فلفت نظرهاا منتدى من المنتديات اشتركت فيه عجبهاا شكله ارتاحت له قعدت اتشارك وتحط مواضيع مع مرور الايام انشات






صدقاات مع البنات سوالف وضحك ومقالب للاعضاء وكل يوم على هالموال مرت شهور على


اشتراكهاااا فى هالمنتدى فى يوم من الايام وصلتهاا رساله على الخاص من المراقب الاسير


وهالرساله كاتب فيهاا أنه معجب فيهااااا وبأخلاقها وحاب يتعرف عليهاا ...وكل هالكلام كان عن طريق الرسايل الخاصه ..


دمعة وفى : اسمع اخووي أناا ماعرفك وانته ماتعرفني ولو سمحت عن الكلام الفاضي اللي ماله معنى .



الاسير : هذا كلام فاضي !!! هذا اللي اقوله كلام فااضي !! الله يسامحك .




دمعة وفى طنشته ماردت عليه واليوم الثاني وصلتهااااا رساله من الاسير .




الاسير : السلام عليكم . كيف حالك ؟؟ شو أخبارك حبيبتي ؟؟



دمعة وفى ماردت عليه ماعرفت شنوو تسووي وبعد مرت الايام وهو يطرش هالرسايل ويزعجهاا مايخليهاااا تقرأ أي موضوع ويكتب لهاااا كل شئ يصير له فى حياته اليوميه مثلا بروح الصناعيه وبرجع وبروح السوق وبرجع وبروح المستشفى وبرجع .....ألخ



ودمعة وفى ساكته ماترد عليه حاولت تحط تجاهل حق رسايله ماقدرت لانه مراقب .
وبعد فتره دمعة وفى كتبت بالاهداءات أنهاا مسافره ألمانياا وأنه يمكن تتأخر وأول ما قرأ الاهداءات طرشلهاااا رساله .



الاسير : أنتي ليش تعذبيني جيه حرام عليك اتسافرين وتخليني بروحي حرام



دمعة وفى : أناا ماعطيتك شئ ولا سويتلك شئ عشان تقولي حرام عليك وأنته شنوو تبي مني ؟؟




الاسير: أنتي ليش عنيده عطيتك قلبي وحياتي وابتعدت عن أهلى ونااسي وهذا كله عشانك أنتي بس وابيع الكل واشتريك ..
دمعة وفى : لاتعليق




الاسير : ليش أنتي كذا ؟؟ قبل لاتسافرين قوليلي صارحيني منو انااا بالنسبه لك طفئ النار اللي فيني ..



دمعة وفى : بحفظ الله بخليك .




الاسير : هذا اهداء لك أغنية من بين النااااااااس حبيتك وانااا بستنااك لين ترجعين وبكتب كل يوم رساله حبيبتي .



سافرت دمعة وفى ومرت شهرين على سفرهاااااا ورجعت مشتااقه حق صديقااتهاااا وسوالفهن ويوم دشت المنتدى والرسايل عندهاا يمكن خمسين



رساله يوم فتحتهاا كلهاا كانت من الاسير قعدت تقرأ وتفتح رساله وراء


رساله والرسايل كانت تحكي يوميات الاسير بالتفصيل وكل شئ صار له



دمعة وفى حذفت كل الرسايل ماهتمت له . ردت تقرأ مواضيع وتتكلم مع
صديقااتهااااا وشووي توصلهاا رساله من الاسير .




الاسير: الحمد الله على السلامه والله العظيم اشتقت لك واايد والمنتدى مب حلو بدونك حبيبتي .



دمعة وفى : الله يسلمك .



الاسير : انتي ليش جافه معااي ؟؟ ليش قاسيه ؟ ليش انتي أنانيه ؟؟ قلت بتسافرين بتفكرين فيني بتحسين بس انتي الله يسامحك ..



دمعة وفى : أخووي شوف أنا مابي أعطيك آمال انته بعيد عنهاااا واناا بعيده عنهااا وخلناا نبتعد بالطيب لانك أنته وين واناا وين ودامني احترمك بليز ابتعد .



الاسير : بس قوليلي كلمه حلوه أناا طمعان بخلاقج وكرمك وانتي دخلتي قلبي أرجوج على الاقل قوليلي حبيبي لاتحرميني من هالكلمه واناا مابخليك لين ماتقولينهاا حتى لو نذليت عندك ..



دمعة وفى : أخووي هذي الكلمه بشوو بتنفعك مابتنفعك بشئ شوف اناا بخليلك المنتدى وبطلع بلا رجعه . بحفظ الله .



الاسير: خلاص لاتقولينهاا خلاص بس لاتخليني بروحي أرجوك على الاقل أشوف نك نيم مالك واعرف انك بخييير .




بعد فتره قبل رمضان الماضي كتب رساله يقول فيهاا انه رايح العمره مع الشباب



دمعة وفى : الله يهديك .


الاسير : تعرفين شئ أنتي حبيبتي وبظلين حبيبتي لين ماموت ياملاكي العنيد وبظلين ملاكي العنيد للابد .



دمعة وفى : بحفظ الله .


مرت الايام وهو مسافر ودمعة وفى ادش المنتدى وتقرأ مواضيع وتسولف مثل قبل بس فى يوم من الايامحست أنهااااا مضايقه حيل ماعرفت شنوو سبب ضيقتهاا تحس شئ ناقصنهاا


فجأه طرأ على بالهاا الاسير بس ماتعرف شنوو هالشعور اللي فيهاا شووق وله حب حنين له وتقول فى خاطرهاا ( وين اللي كان يضايقني )
حست بقيمته حست انهاا ذلته وايييييد هيه حبته بس ماتقدر تعطيه حبهاا ماتقدر تعترف له والاسباب واييييد وتقول القدر مابيجمعناا لانه هو ين واناااااا وين لكن ماعرفت تعبر عن مشاعرهاا اتجااه ..
فجأه فتحت صفحة الرسايل بلا شعور أهدته أغنية الاماكن كلهاا مشتاقه لك .... ألخ


مرت اسبوعين على سفرته ولا رجع ودمعة وفى بالهاا مشغول عليه دشت المنتدى يوم شافت رساله فرحت قالت فى خاطرهاا (وصل) بعدين شافت أنهاا من المدير العام اللي هو ولد عم الاسير حزنت


فتحت الرساله وياليتهاا مافتحتهاا كانت تقول الرساله بأن الاسير مـــــات
.انصدمت دمعة وفى وهي تقرأ الرساله ماعرفت شووو تسووي حست انهاا مخنوقه ماقادره تقول شئ أو تكتب شئ وفى كل مره تفتح الكمبيوتر تسكره بس فيهاا فضول تباا تعرف شنوو اللي صاار له وكيف مات ؟أتجرأت ودخلت المنتدى وكتبت حق ولد عمه رساله تسأله عنه وياليتهاا ماسألته ..


رسالة المدير العام : كان راجع من العمره واتصل فيني وقالي أفتح
المنتدى واشوف اذا رساله وصلته منج وهو على الخط فتحت المنتدى وشفت
رسالتك والاهداء مالج فقلتله فرح واييد بالاهداء وقعد يقول لي فى التلفون والله اني احبهاا هالانسانه ويقول متى برجع ؟؟وسكر التلفون عني واليوم الثاني وصلناا الخبر بأنه فى المستشفى سافرت له وصلت عنده فى الغرفه وكان يتكلم مافيه شئ ويقول أريد اسولف
معهاابس حاس اني بموت قبل لا أسمع منهاا شئ وعطاني رساله لك وقال الشهادتين وماااااااات والاطبااء قالو انه بسبب النزيف الحاد مااات
وعرفي انه ذكرج انتي ونسى اهله مافكر فيهم فكر فيج انتي وبس يعني باع اهله وشتراك والسموحه


.وهذي رسالة الاسير الاخيره : حبيبتي ملاكي العنيد أناا حبيتك بصدق ويشهد الله على كلامي وبظل أحبك طول عمري أو مابقى لي من العمر ولا بخونك بظل وفى لحبك كنت أريد أشووف كلمة حبيبي يوم أوصل بس اناا راضي بحكم رب العالمين كنت اريد احس بمعنااته وطعمهاا بس يمكن ماارجع يا ملاكي بس عرفي اني راضي عنك كل الرضاا حبيبتي اذا مت لاتندمين علىاي شئ اناا ماشفتهاا هالكلمه الحين بشوفهاا بعدين لانه دنيتي زايله واناا حاس بهاا شئ واناا اول شئ بطلبه من الله اني اشوفج أنتي ملاكي العنيد هناك الله مابيحرمني منج واتمنى أنج تعيشين حياتج فى الدنياا مع اللي خترتيه لاني باخذك منه حبيبتي اهديج كل ورود العالم ياملاكي العنيد حبيبتي افرحي لا تشيلين هم الدنياا واناا بستنااك مع خالص حبي .



دمعة وفى قعدت تصيح وتلوم نفسهاا على كل اللي صار وتقول ليتني مادشيت المنتدى ولا عرفت شئ عنه أناا انسانه بلا مشاعر ولا أحااسيس كيف بعيش حياتي واناا حرمت هالانسان حياته .
ماقدرت تستحمل أكثر من جيه كتبت رساله حق المدير تقوله انهاا بتطلع
من المنتدى وانته مابترجع لانهاا ماتقدر تشووف كل شئ يذكرهاا فيه
توقيعه مواضيعه ضحكته فى الالعاب فى كل شئ ..



المدير العام : نحن بنغلق المنتدى لانه مانقدر انكمل فيه بدونه لانه
خلاص الحزن مسيطر على الكل ونسيت اقولج أنه قبل لايسافر قالي اجهز
سيارته واكتب عليهاا ملاكي العنيد واناا جهزتهاا وهااي صوره منهاا
لانه الله ماأراد انه يهديج اياااه يوم يرجع بس نحن راضين بحكم الله



دمعة وفى : أنته ليش جيه تحسسني بالذنب وتعذبني حرام عليك حرام .



المدير العام : هذا اللي يريده واناا اوصل الامانه والوصيه لا اكثر
ولا أقل وانتي الله يسامحج على كل اللي سويتيه فيه .


طلعت دمعة وفى بلارجعه وهيه تحمل معااههاا الحزن والندامه واللوم
على كل شئ سوته فيه الله يرحمهااااااااا ..
آسفه حبيبي اذا ماقلت هالكلمه لك مابقولهااااااااا لغيرك ملاكك العنيد
لـكـي تــدرك قـيـمـة الـحـبـيـب أو الـحـبـيـبـة... أفـقـدهـــ
خذاك الزمن مني وترك
لي أشواقي
لكن ماخذا ذكراك منباقي أوراقي
عيشووا اليوم بيومه



منقوول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://4ever4.yoo7.com
رونق
عضو فعال
عضو فعال


عدد المساهمات : 258
نقاط : 258
تاريخ التسجيل : 17/02/2011

مُساهمةموضوع: رد: ▐¬قصة حب بين " عضؤين " قصـة ، حقيقه ✖   السبت سبتمبر 03, 2011 7:18 am

يسلمووووووا على الموضوع

تقبل مروري

الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
▐¬قصة حب بين " عضؤين " قصـة ، حقيقه ✖
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات عدن بلس +plus :: مــــنــــتــــدى عـــــالــــــم الــــــشــــعـــر والــــخـــواطـــر :: قــــــســـــم القــــصـــص الـــــعـــــام-
انتقل الى: